Улон - питыран, берга азьлань но азьлань, нокызьы уг луы сутыны. Та куномес но Удмурт корка клубе, Вавож ёрос библиотекае, ӧтьыны кемалась малпам вал, но нырысь люкетӥз короновирус. Озьыен, 7 - тӥ коньывуонэ ми дорын куноын вал " Колос" СХПК- ысь зоотехник- селекционер, трос нылпиё анай, 2020- тӥ арын "Арлэн адямиез" Элькун премилэн лауреатэз, Казаньын ортчем огъя россии зоотехник- селекционеръёслэн конкурсазы вормысь, ёросысьтымы нырысетӥез адями " Поле чудес" капитал- шоуэ пыриськись но вормысьёс пӧлы потӥсь, Анастасия Александровна Матвеева.

Тӧршор куномы вань Удмурт корка лыктэм куноосылы сюлмазы пыӵаз. Малы ке шуоно, солэн верамъёсысьтыз валано, кыӵэ со визьмо специалист зоотехник- селекционер, ужзэ яратса, валаса тырше быдэс СХПК "Колос" колхозысь зоотехникъёсын, осеменаторъёсын быдэс командаен.
Та пумиськонамы Анастасия Александровна милемын ӵош тодаз ваиз на пиналъёсыныз Поле чудэс шудонэ пыриськемзэ.
" Отын по-домашнему шуныт, Якубовичлэн мыйыкез настоящий... Ожыт гинэ финалэ ӧй поты но, номыр сярысь уг жаляськы", - шуиз Анастасия Александровна.
Гурт удысын ужасьёслэн нуналэнызы ӟечкыланы Удмурт корка кожаллязы но шулдыртытыса кельтӥзы "Валан" ансамбль.